នារសៀលថ្ងៃទី០២ ខែមេសា ឆ្នាំ២០២៥ នៅទីស្ដីការក្រសួង, លោកប្រធាននាយកដ្ឋានបុគ្គលិក បានដឹកនាំកិច្ចប្រជុំផ្ទៃក្នុងរបស់នាយកដ្ឋាន ដោយមានការចូលរួមពី លោក លោកស្រីអនុប្រធាននាយកដ្ឋាន លោក លោកស្រីប្រធានការិយាល័យ លោក លោកស្រីអនុប្រធានការិយាល័យ និងមន្ត្រីជំនាញពាក់ព័ន្ធផ្សេងទៀត នៃនាយកដ្ឋានបុគ្គលិក។កិច្ចប្រជុំនេះត្រូវបានរៀបចំឡើងក្នុងគោលបំណង ត្រួតពិនិត្យលើវឌ្ឍនភាពការងារប្រចាំថ្ងៃ បញ្ហាប្រឈម ផែនការសកម្មភាពអភិវឌ្ឍស្ថាប័ន និងការងារកែទម្រង់ការគ្រប់គ្រងហិរញ្ញវត្ថុសាធារណ: ដើម្បីធានានូវប្រសិទ្ធភាព តម្លាភាព ស័ក្តិសិទ្ធិភាព ។ឆ្លៀតក្នុងឱកាសនោះដែរលោកប្រធានក៏បានណែនាំឱ្យមន្ត្រីក្រោមឱវាទប្រើប្រាស់ប្រាជ្ញាសម្បនិមិត្ត AI (Artificial intelligence) ដើម្បីជាធាតុចូលក្នុងការអភិវឌ្ឍស្ថាប័នព្រមទាំងឆ្លើយតបទៅនឹងផែនការសកម្មភាពកែទម្រង់ និងទំនើបកម្មកិច្ចការគ្រប់គ្រងធនធានមនុស្សរបស់ក្រសួងផងដែរ។