នារសៀលថ្ងៃទី១៣ ខែមីនា ឆ្នាំ២០២៥ នៅទីស្ដីការក្រសួងសេដ្ឋកិច្ចនិងហិរញ្ញវត្ថុ, លោកស្រី ថោង វណ្ណសុជីវី អនុប្រធាននាយកដ្ឋានបុគ្គលិក និងជាតំណាងលោកប្រធាននាយកដ្ឋានបុគ្គលិកនៃអគ្គលេខាធិការដ្ឋានក្រសួងសេដ្ឋកិច្ចនិងហិរញ្ញវត្ថុ បានដឹកនាំកិច្ចប្រជុំណែនាំអំពីការបំពេញសលាកបត្រព័ត៌មានមន្ត្រីរាជការជូនលោក លោកស្រីជាបេក្ខជនដែលបានប្រឡងជាប់ចូលបម្រើការងារជាមន្ត្រីរាជការនៃអគ្គនាយកដ្ឋានពន្ធដារ ដោយមានការចូលរួមពី លោក លោកស្រីជាថ្នាក់ដឹកនាំនាយកដ្ឋានបុគ្គលិក លោក លោកស្រីជាបេក្ខជនប្រឡងជាប់ជាស្ថាពរ និងមន្ត្រីជំនាញពាក់ព័ន្ធផ្សេងៗទៀត។ កិច្ចប្រជុំនេះរៀបចំឡើងក្នុងគោលបំណងពន្យល់ ណែនាំពីបែបបទ និងនីតិវិធីនៃការបំពេញសលាកបត្រ និងឯកសារតម្រូវមួយចំនួនជូនដល់បេក្ខជនទាំងអស់ ដែលជាជំហានដំបូងក្នុងអាជីពជាមន្ត្រីរាជការ និងត្រៀមចូលបម្រើការងារនៅអគ្គនាយកដ្ឋានពន្ធដារនៃក្រសួងសេដ្ឋកិច្ចនិងហិរញ្ញវត្ថុ។